Erster Wödkriag

Article on other languages:

Easta Wödkriag – beteiligte StååtnVorlage:LegendeVorlage:Legende

Da Erste Wödkriag hod in de Johr vu 1914 bis 1918 stottgfunden, hod insgesomt 40.000.000 Todesopfer gfordat, vu denen 20.000.000 durch des Kraigsgeschehn selba gstorbn san. Die ondan 20.000.000 Totn won es Agebnis vu die Entente-Mächten Blockaden, de bewirkt hom, dass koa Versorgung mea ins Deutsche Reich und noch Östareich kemma is, des hoaßt, de 20 Millionen san vahungat, bzw. a dafruan.


Inhoitsvazeichnis

Gründe fian Eastn Wödkriag

Da Erste Weltkrieg is ausglöst woan durch es Attntat| auf en östareichischn Thronfolga Franz Ferdinand in Serbien vu da Untergrundorganisation "Schworze Hånd". Am selben Tog hod Kaisa Franz Josef von Östareich a Ultimatum an Serbien gstellt die Attntäter an Östareich übazstelln, sonst tat Österreich Serbien en Kriag akläan. Oba offiziell hobn die Russn gsogt, dass se eanre "serbischn Brüder" untastützn miassn, oba Historika senn sich einig dass, da Tzar vu Russlond Ongst kopt hod, dass Östareich oiwei meara Einfluss im Ostn kriagt. Weil Östareich mit dem Deitschn Reich und dem Osmanischn Reich a Bündnis kopt hot hobn Deitschlond und es Osmanische Reich Russlond en Kriag akläeat, oba weil die Russn wieda mit die Britn und Franzosn a Bündnis kopt hobn, hobn die Britn Deitschlond und em Osmanischn Reich en Kriag akleat, und donn Östareich Großbritannien und Frankreich. Die Franzosn wollten eanan ewign Feind die Habsburger z'mindest schwächn, hobn den oba donn eigntlich sogår vanichtet, und die Britn hobn Ongst kopt, dass Deitschlond ia Vormochtstellung auf See gfährdn kanntn, weil Deitschlond zu dea Zeit extrem beim Aufrüstn wor.


Kriagsvalauf

Bis 1917 san die Britn im arabischn Toal vum Osmanischn Reich weit vuakemmen, Östareich hod in Russlond a bissl an Bodn gwonnen kopt, und Deitschn gonz wenig in Frankreich und Belgien, oba es greaßte Problem da Mittlmächte (Deitsches Reich, Östareich, Osmanisches Reich) wor die Blockadn, de vahindat hot, dass Lebnsmittel durchkemman san. Bsundas die Deitschn hom probiat de z' brechn und hobn olle Schiffe obgschossn de in da Nordsee worn, und oans vu denen wor aus Vasehn a amerikanisches Passagierschiff, wos die USA dazua vaonlosst hot in Kriag einztretn. Aufgrund vu de Umstände hots zu dea Zeit scho so ausgschaut, dass die Entente-Mächte gwinnen wean, wos da Grund fia Italien wor gegen die Mittlmächte in en Kriag einztretn, obwohl se eigentlich a Bündnis mit Östareich kopt hattn. Trotzdem is fia die Italiena da Kriag gegen Östareich ziemlich schlecht gloffn, und dånk des Versailla Vertrogs homs trotzdem nu Südtiroi zuagsprochn bekemma. Zua gleichn Zeit hobn die Deitschn den russische Exil-Kommunisten Lenin aus da Schweiz noch Russlond transportiat um do a Revolution onzzetteln. Lenin hot mit seim leninistischn Kommunismus die ormen Leit ongsprochn und hots tatsächlich gschofft, dass die Bolschewiki gwinnen, de wollten, dass da Kriag aufheat; des wor 1917 in da Oktobarevolution. Die Zeit danoch hot ea gnutzt um kommunistische Reformen in da neien Sowjetunion durchzfüahn. Im Novemba 1918 kapitulian donn die Mittlmächte, und wean vu die Entente-Mächte zwungen an Friedensvatrog z akzeptieren in dem sie die gonze Kriagsschuid auf sich nemma miaßn. Fia Deitschlond hoaßt der Vatrog, Vatrog vu Versailles und fia die Östareicha Vatrog vu St. Germain. Weiters miaßn se olle Kriagsschädn bezohln. Den Friedn nennt ma heit a den Schmåchfriedn, weil es eigentlich a Untadrückung wor und koa Friedn. Daduach entstehn donn vüü Bewegungen de Rache und Vageltung fia den Schmachfrieden welln, und so geht da Erste Weltkrieg prinzipiell fliaßnd in en Zwoatn Wödkriag üba.


Foign

Es Endresultat vu dem Kriag is, dass Östareich und Deitschlond koa Militär mea hobn deafn, dass sie hohe Schuidn hobn, weil se jo olle Kriagsschädn zohln miaßn, dass Östareich viel Gebiet im Ostn vu Europa valiat, dass es Osmanische Reich zur Türkei minimiat, und zua Republik ausgruafn weat und nu dazua a sekularistische Reform durchn Kemal Atatürk griagt, dass Italien Südtiroi dazuagwinnt, und dass da Kriag die alloanige europäische Voaheaschofft beendt, und die USA an groaßa Wichtigkeit gwinna losst.

Im Web

Oigmeine Infoamationen

Commons: Erschda Wäidkriag – Buidl, Videos und/oda Audiodatein
Wikisource
 Wikisource: Erschda Wäidkriag – Quéîntexta
Wiktionary: Erschda Wäidkriag – Bedaitungsaklärungen, Wortherkunft, Synonyme und Ibasetzunga


Von „http://bar.wikipedia.org/wiki/Erster_W%C3%B6dkriag“

This article is from Wikipedia. All text is available under the terms of the GNU Free Documentation License.