Italien

Poll without page-refresh

Article on other languages:

Der Àrtikl is im Dialekt Stådt-Såizburgarisch gschriem worn.

Da Àrtiké „Italien“ is leida no a wengal kurz!
Wãnnst du åwa mea zua dém Thema wàßt, schreib 's âfåch dazua und måch an umfãngreichn Àrtiké draus.

Italienische Repubblik
Repubblica Italiana


(Details)	(Details)

Ãmtsspråch

Italienisch
regjonal zuasätzlich: Daitsch, Frãnzösisch, Làdinisch, Slowénisch

Hauptstådt

Rom

Stååtsform

pàrlaméntàrisch-demokràtische Repubblik

Stååtspräsident

Giorgio Napolitano

Ministapräsident

Silvio Berlusconi

Flächn

301.336 km²

Eîwohnazåih

58.462.375 (Stãnd Sept. 2004)

Bevökarungsdichtn

192 Eîwohna pro km²

BIP/Eîwohna

21.695 Euro (2004)

Währung

Euro

Zeitzone

UTC+1

Nazjonàlhîmne

Il Canto degli Italiani
à bekãnnt unta
Fratelli d' Italia

Autonumman-Kennzeichn

Internet-LD

.it

Vorwåih

+39

Italien (Italienisch: Italia, Südtirolarisch: à de Walsch, Bersntolerisch: Balschlònt) is a Stååt in Europa dés am Mittlmea liegt und is a Mitgliad vô da Europäischn Unjon. Dé Hauptstådt vô Italien is Rom. Italien grénzt im Nordn ån Östareich und ån dé Schweiz, im Nordostn ån Slowénien, im Nordwestn ån Frãnkreich, im Ostn is umgem vô da Àdria und im Westn vôm Mittlmea. Italien umschliasst zwà klàne Stååtn voikommen - dés is zum ànen San Marino un zum ãndan da Vatikan.

Italien is a sehr a katholischs Lãnd, zirka 80,2 % san Katholikn, 16,2 % vô da Bevökarung håd kâ Bekênntnis und nur 3,6 % ghern irngd àna ãndan Religjon ã. Italien is à bekãnnt fir seî guade Kich und weils so vüi mid Fisch, Nudln, Bàsilikum und Olivenöi kochn, san dé Italiena a sehr gsunde Leid, und håm à a hoche Lebmserwårtung. Vô mãnche Leid werns désweng a liebevoi åis "Spagettifressa" betittlt.

Bevökarung

Italien håd a Eîwohnazåih vô 58.679.441 Leid und rãschiart in da Wöidrãnglistn auf Plåtz 22, innahåib da Europäischn Unjon liegts Lãnd aufm 4. Rãng hinta Daitschlãnd, Frãnkreich und Grossbritannien.

Rund 67% vô dé Eîwohna vô Italien, üwawiegnd im Nordn, leem in Städtn. Vur åim vô 1950 bis 1960 håd a stårke Åbwãndarung aus dé untaentwiggltn Lãndregjonen in dé Städte gherscht. Seid dé 1980er Jåhrn håd sé da Trénd zua Gunstn da Vororte und Glâstädte umghert.

Voiksgrubbm

In Italien leem mehrare Voiksgrubbm. An Gresstn Teil måchn d' Italiena aus. Daneem leem no autochtone Voiksgrubbm wia dé Friaula (in Friaul-Julisch Venezien), Ladina (in Südtiroi und Venezien), Slowénen (im Friaul und Triest), Baian (Östareicha) in (Südtiroi, Trentino und in dé Zimbrischn Språchinsln), Griechn (in Süditalien), Katalànen (in Sardinien), Sardn (in Sardinien), Siziliana (auf Sizilien), Kroàtn (in Molise), Frãnzosn (im Aostatåi und Westn) und dé Àlbana (im Mezzogiorno).